Midi Black Dress

Midi Black Dress by venus-libyen featuring kate spade jewelry

Oscar de la Renta high heel shoes
1730 LYD - mytheresa.com

Balmain evening handbag
1430 LYD - balmain.com

Rebecca Minkoff gold jewelry
150 LYD - 6pm.com

Kate spade jewelry
62 LYD - 6pm.com

Sephora Haul .. مشترياتي من سيفورا

في البداية نحب نعطيكن نبذة بسيطة عن سيفورا للي مَش عارفة شنو هي .. 

أطلقت هذه الماركة الفرنسية في باريس في العام 1970، وقد اشتقّ اسمها من 

Sephos و Zippora

يطلقان على الجمال باللغة اليونانيّة، دخلت هذه الماركة السوق الأميركيّة في العام 1998، حيث افتتح محلّها في نيويورك. ولاحقاً افتتحت في سان فرنسيسكو.

واليوم إلى جانب علامتها التجارّيّة الأصليّة تحوي Sephora  

أكثر من مئة ماركة، تتوزّع على أدوات الماكياج ومستحضرات التجميل، وكريمات العناية ببشرة الوجه والجسم، وصبغات الشعر، 

.. وتعد من أهم ماركات التجميل في العالم.

  امتلكت سيفورا في العام 1997 من طرف  

LVMH أي لويس فيتون وموت هينيسي، 

أما البيع الإلكتروني فقد دخلته إلى الولايات المتحدّة الأميركيّة في 1999 وإلى كندا في 2001، 

ولها رسمياً اليوم أكثر من 1700 محلاً موزعاً بين ثلاثين 

دولة حول العالم. 

حيث يبلغ سنوياً نسبة أرباحها أكثر من أربعة بلايين دولار بحسب مجلة

 Forbes

، وإلى جانب المبيعات الخياليّة حصدت الماركة عدداً من الجوائز القيّمة التي تؤكد مكانتها في مجال العناية بجمال المرأة.

هناك الكثير من الماركات التي تتبع لها أبرزها 

NARS و Makeup For Ever وUrban Decay  و Too Faced. 

وإلى جانب المستحضرات والأكسسوارات التي تحمل اسمها، أصدرت عطراً خاصا بها بالتعاون مع النجمتين التوأم ماري كيت وآشلي أولسن في العام الماضي...

حنبدأ معاكن في إستعراض المنتجات اللي اشتريتهم من سيفورا .. و حنعرضلكن حتي السامبلز و الهدية 

محل سيفورا سخي جداً في الهدايا و العينات 

VERY GENEROUS ️ 

حنعرضلكن المنتجات بالتفصيل مع الأسعار بالدولار ان شاءالله ..

حنبدأ مع  مشترياتي من آربن ديكاي

((Urban Decay)) ••

1/Naked Skin Weightless Complete Coverage Concealer

كونسيلر اسمه نيكد سكن .. يهبببببل بكل نتعب و انا نقول ممتااااااااز

الدرجة اللي ناسبتني بعد التجريب  حنحطها في الصورة

السعر :28$ دولار .. 84 دينار ليبي

2/ Matte Revolution Lipstick

روجين مات

عذااااب هههه حاجتهم كلها حلوه بس اللونين اللي خذيتهم ما عنديش منهم من قبل

حنحطلكم الأسماء

السعر : 66دينار ليبي ... دولار $ 22

3/Afterglow 8-Hour Powder Blush

خذيت منه لونين مع انه كل الألوان جمييييله و روعة 💕💕 و تجنن و اهم شي الثبات الفظيع

السعر : 26$ دولار .. 78 دينار ليبي

الأسعار أكيد مرتفعة شويا بس لأن الآربن ديكاي معروفه من الماركات الهاي آيند .. High end brands

 ((Clarins))

1/ BB Skin Perfecting Cream  with SPF 25

بي بي كريم مع وقاية من الشمس  لجميع انواع
((البشرات (( جافة/دهنية/مختلطة
في منه اربع درجات  انا درجتي
 02 Medium

السعر .. 41$ دولار  ..  123 دينار ليبي

2/ Double Serum

هذه ثلاث عبوة نستخدمها  هذا من مفضلاااااتي الدائمة  شئ عجييييييب جداً

 لجميع انواع البشرة بدون استثناء  حنكتبلكن عنه ريڤيو كامل قريباً جداً ان شاءالله

السعر ..87$  دولار ...  261  دينار ليبي

(( Black up ))

ماركة جديدة اسمها بلاك آب .. عجبني فيها انها مخصصة لذوات البشرة الحنطية و السمراء يعني هذه تناسبنا جدااااً في الشرق الأوسط  ..

جربت منها حاجات واجدة و خذيت وقتي عالستاند امتاعهم بس اكثر شي لفت انتباهي هو الكونتور ستك contour stick  امتاعهم .. جمييييييل

جربته مرة واحدة الا الآن بس أكيد حنكتبلكن علي تجربتي معاه بعد فترة ..

لقيت حتي هدي القطان متكلمة عليه من فترة قصيرة انا شريته قبل ما نعرف رأيها و فرحت لانها تشكر فيه و تقول انه من مفضلاتها ..  

السعر ..42$ دولار .. 126 دينار ليبي

وهذه تجربة للون علي يدي ❤️😍💕

(( Benefit  Cosmetics ))

ماركة بينيفت المحبوبة من الجميع ما قدرتش نطلع قبل ما ناخذ منها كم حاجة و خصوصاً أني سامعة عالثلاث حاجات اللي خذيتهم مدح من عدة بيوتي بلوقرز

و قررت نجرب بنفسي 🙈

1/ They're Real  Lengthening & Volumizing Mascara

ماسكرا ذي آر ريل .. مطولة و مكثفة للرموش

السعر ..24 $ دولار ... 72 دينار ليبي

2/Hoola Matte Bronzer

برونز هولا المطفي ... الحب الحب ههههههههه

يجنننننننننننن

من زمان نشوف فيه وًما نبيش نشريه توا قاعده كل شويا نهزب في روحي كيييف ما شريتش من زمان !!!!

السعر ..29$ دولار ...87 دينار ليبي ..

3/ It's Potent Eye Cream

تحت التجربة ..

السعر 34 $ دولار ..102 دينار ليبي

(( Make up For ever  MUFE ))

1/Ultra HD Invisible Cover Foundation

 خذيت سامبل من سيفورا و جربتها لمدة ثلاث ايام نقعد بيه من الصبح و نطلع بيه و ندير في مشاوير

في الشمس و الصقع

الدرجة ناسبتني جداً .. ممتااااااااااااااااااز جداً جداً جداً

و خصوصاً لو كنتي ما تحبيش التغطية الثقيلة و (( الجير و الدقيق )) هههههههه 🙈🙈😂

قصدي نظام الأشباح ..

تنوع الدرجات من الفاتح للغامق مريح جداً و من أحسن العلامات التجارية اللي ممكن تقابلك في حيااااااتك

السعر .. 34$دولار ... 102 دينار ليبي ..

2/ Aqua Eyes Waterproof Eyeliner

آكوا آيز ووتر بروڤ اي لاينر

كحل ضد الماء .. كريمي و ثابت و يستخدم كأساس للشادو و كشادو كريمي .. اللون اللي خذيته موڤ داكن 🙈💕

السعر .. 19 $دولار ... 57 دينار ليبي ...

3/Graphic Liner

 الجرافيك لاينر .. انا كنت محظووووظة جداً لقيته في المحل لانه هو متوفر اونلاين فقط

شي جميل جداً و ثابت و عملي وسريع و أكيد ننصح بيه للمبتدئات في رسم الايلاينر

مَش حتندمو لما تشروه

السعر 24$ دولار .. 72 دينار ليبي

(( Clarisonic ))

1/ Sensitive Brush Head

شريته  لانه ضروري من تغيير الفرشاة إمتاع الكلاريسونيك كل بعد ثلاث شهور

لو تستخدمي فيها كل يوم  في إزالة مكياج ثقيل  يومياً

او علي حسب ما تحسي انها تحتاج تغيير لو استخدامك لها اقل بواجد من هكي .. او استخدامك لها مقتصر علي العناية فقط ..

كتبتلكن ريڤيو عن الكلاريسونيك كامل هنا تقدرو  تشوفوه

السعر .. 24$ دولار ...  72 دينار ليبي ..

(( Nars ))

يا جمال البراند هذه و يا جمال حاجاتها  am totally in love 💕🙈🙈💕💕

1/The Multiple

الأصبع هذا متعدد الاستعمال .. إضاءة او بلشر

سحرررررر و اشراقة للوجه و لمعه غريبة توحي بصحة البشرة و تلفت الانتباه ..  اسمه اورقازم

سر من أسرار الجمال و الحياة 💕🙈

السعر ..39$ دولار .. 117 دينار ليبي ..

2/ Kabuki Ita Brush

أشهر فرشاة كونتور علي الإطلاق و افضلهن أيضاً من زمااااان حطيتها في قائمة ال 

  و must have 

أكيد هاڤ ات ههههههههه 

حنكتب عليها ريڤيو يوماً ماااااا 

خليكم متابعين 

السعر .. 55$ دولار .. 165 دينار ليبي 

3/Soft Touch Shadow Pencil

 شادو كريمي .. جميل 

و للأسف limited edition 

شريته اونلاين.. داخل المحل معش ينزلو فيه 

السعر 10$ دولار .. 30 دينار ليبي ...

((Sephora))

1/Show Curl Lash Curler ♡Rose Quartz

كسارة الرموش من سيفورا 

السعر .. 17$دولار .. 51 دينار ليبي 

2/ Sephora Collection face mask

ماسكات للوجه و العيون خذيت نوعين 

واحد مدعم بمستخلصات الرمان و واحد بزهرة اللوتس 

السعر .. 10دولار .. 30 دينار ليبي 

3/Waterproof eye makeup remover 

مزيل مكياج العيون حاجة تحففففه الصراحه و ينظف العين مزبوط 

السعر ... 10 دولار .. 30 دينار ليبي 

(( Too Faced )) 

1/  Semi Sweet Chocolate Bar

سيمي سويت تشكلت بار 

ختامها مسك مع تو فيسد و اجمل ايشادو باليت شفته و لمسته و شميته ههههه و استخدمته في حياااااتي 

هو شكلاطه جدياااااات من اسمه ...  💕🙈🙈🙈 

جمالك جمااااال مَش عادي 

ضروري نكتبلكن عليه بالتفصيل 😍😍😍❤️ 

السعر 49$ دولار .. 147 دينار ليبي .. 

رحلتي في سيفورا زرت فيها بار الحواجب من بنفت و اطمنت علي حواجبي هههههه و ان طريقتي صحيحة في استخدام المواد و حصلت تقييم ممتاز جداً عندهم .. و صدقوني بنات ما فيش حاجة مستحيييييله لما تحطي رأسك فيها .. 

حنكتبلكن عليه الموضوع بإذن الله :) 

و انتهت الرحلة بهدية و سامبلز ممتازات حنجرب كل شي و نحكيلكن عليه بكل أمانة 

و علي فكرة تعمدت نحطلكن الأسعار عشان يهمني انه ما حدش يغشكن ولا يدفعكن أسعار خياليه بغرض الربح 

و نصورلكن عشان تقارنن الأصلي بالمقلد 

لان انا بعيوني شفت كم صفحة تبيع في حاجات مقلدة .. 

والله من وراء القصد ❤️💕