Baby steps to makeup application طريقة وضع المكياج بالخطوات part (1)

Baby steps to makeup application  

طريقة وضع المكياج بالخطوة part (1)

بشرة جميلة = مكياج جميل 

الخطوة الاولي و الأساسيه قبل وضع المكياج علي الوجه هي تحضير البشرة .. ما معني تحضير البشرة ؟ 

اي إعدادها الإعداد الصحيح لوضع كريم النهار او كريم الأساس الخاص بك عليها و كلامي هنا بالذات لصاحبات البشرات الجافه لانه اكثر وحدات معرضات لظهور القشور و الخطوط علي الوجه بعد وضع الفاونديشن 

1/ تقشير الوجه 

التقشير هو خطوة لا غني عنها و تعتبر احدي اهم الخطوات في نظام العناية بالبشرة 

تقشير البشرة ممكن انك تديريه من مرة الي ثلاث مرات في الأسبوع علي حسب نوع بشرتك و علي حسب استخدامك للمكياج  ..

هل فيه انواع للمقشرات ؟ 

طبعاً اكيد ، و لكل نوع بشرة مقشر خاص بيها 

مثلاً اللي بشرتها جافه ممكن ما يمشيش معاها مقشر حبوب التقشير فيه غليظه و كبيرة لانه حيجففلها بشرتها بزيادة 

و صاحبات البشرة الدهنيه مش حيمشي معاهن مقشر سطحي وًخفيف لأنهن محتاجات مقشرات عميقة المفعول و تنظف المسام 

صاحبات البشرة الحساسه و اللي ممكن يسيرلهن إحمرار لازم يكون المقشر امتاعهن لطيف و ما يسببش تهيج 

هذه تعتبر خطوط عريضة لأنواع المقشرات 

و ممكن كل واحدة فيكن تكتبلنا شنو نوع بشرتها و احسن مقشر مشي معاها ..

بعد التقشير لازم لازم لازم من ترطيب البشرة مهما كان نوع بشرتك 

ضروري تحطي عليها كميه لا بأس بيها من المرطب و تخلي الجلد يتشربها مزبوط ..

(  و كل بشرة (زي ما حكيتلكن في موضوع انواع البشرات هنا

عندها نوع مرطب خاص بيها 

اللي يمشي للبشرة الدهنيه ما يمشيش للجافه و لا المختلطه

لازم تكوني عارفه نوع بشرتك و تختاري المقشر و المرطب علي هذا الأساس  

2/ تقشير الشفاه 

اهم جزء في مكياج الوجه هو أحمر الشفاه ، لو كانن شفايفك متشققات وًجافات صدقيني حيطلع الروج جدااااً بشع و مشقق و خصوصاً لو كان نوعيته مطفي .  

لذلك عزيزتي مش حتخسري شي لما تقشري شفايفك .. و انا نصيحتي انك في البدايه تقشريهن كل يوم و ترطبيهن 

سواء بالڤازلين او مرطب الشفاه اللي تفضليه 

هذا الجزء الاول تم ..  يتبع

اللي عندها سؤال تقدر تخليه ليا هنا في التعليقات ولا الفيس او الانستاقرام .. 

Real Technique Face Brushes set.. طقم فرش الوجه من ريل تيكنيك

طقم فرش ريل تيكنيك للوجه ..

حاجة من ضمن الحاجات

الأساسيه اللي من وجهة نظري ضروري تكون عندك لو قررتي تطبقي الميكب علي نفسك التطبيق الصحيح.. النوعية و الجودة 

ممتااااازة و السعر يعتبر جيد و مقدور عليه .. البراند هذه ملك لأختين انجليزيات سام و نيك تشابمان .

يا بنات عشان مكياجك يكون جميل لازم الفرش تكون جودتهن كويسه عشان ما يبانش الفاونديشن و الكونسيلر مخططات و منظرهن بشع ..

اللي يميز فرش ريل تيكنيك انهن مصنوعات من شعر صناعي و مقصوصات يدويا" و انا نفضلهن عن اللي يكونن مصنوعات من شعر طبيعي لانهن حتي في التنظيف ياخذن وقت اقل ..

حنبدا بطاقم فرش الوجه و نحكيلكن عن طريقة استخدامي لكل واحده .

الطاقم (Face Brush Set) هذا يتكون من اربع فرش :

1/  Buffing Brush

(اللي هي فرشاة البفنق او توزيع الفاونديشن (السائل ولا الباودر المضغوط

انا ما نستخدمش فيها بس للفاونديشن ، نستخدم فيها للبلشر الكريمي و لدمج الكونتور 

حجمها حلو مش كبيره واجد  و مش صغيره

بصراحه احد احسن الفرش و اقربها لقلبي و كنت ما نستغنيش عنها .. بس بعد شريت البيوتي بلندر قعدت نستخدم فيها بعد ما نكمل بيها توزيع الفاونديشن

يعني اللمسه النهائية للبلندر اكييييد  و حكيت عليها من قبل في المدونه ..

2/Contour Brush

من اسمها واضح انها للكونتور .. سواء كان كريمي او باودر

ممتازة جدا" لدمج الكريم و توزيع كونتور الباودر

و دقيقة و راسها شوية مدبب و هذا احد اسباب الدقه امتاعها

انا نستخدم فيها في اكثر من حاجة ☺

اهم شي نوزع بيها فالإضاءة فوق عظمة الخد

و نثبت بيها في الكونسيلر تحت العين باللوس باودر كخطوة اخيرة

و مرااات  نحط بيها في البلشر لما نبيه بس علي تفاحات الخد 

3/Pointed Foundation Brush

هو من اسمها علي اساس انها للفاونديشن بس ما عمري وزعت بيها فاونديشن ..ولا حطيته بيها

بصراحه لان راسها يابس و الشعرات فيها محكمات نحب نستخدمها لوضع الكونسيلر الكريمي  تحت عيني و بذات امتاع ماك لانه يبي فرشة شعراتها ثابتات

و نفس الشي للكونتور الكريمي في جهة الخد و الحنك.

4/ Detailer Brush

(من اسمها للتفاصيل الدقيقة و الاماكن الضيقه اللي تبي تحطي عليهن كونسيلر او كوريكتر (مصحح)

و برضووووو انا نستخدم فيها مش للوجه ابدا ههههه

عندي لها استخدامين علي حسب الجو

مرات نستخدم فيها للدمج امتاع الايشادو تحت عيني

و مرات لما نبي ندكن زاوية العين بايشادو اسود و نبي كميه بسيطة

و اخر شي نستخدم فيها لتحديد الشفاه و توزيع احمر الشفاه و تشتغل بكفاءة عااااليه 

هل ننصحكن بيهن!؟؟

طبعا" طبعا" طبعا"  .. من الاشياء الجميله و اللي نشجعكن عليهن اليوم و بكره و بعدووووو

تحياتي ..

VITAMIN E regimen from THE BODY SHOP {مجموعة ڤيتامين E من البودي شوب }

حنبدا علي طوووول في الموضوع و هو يخص ڤيتامين
 E 
بصفه عامة و بمجموعة البودي شوب بصفه خاصة اولاً لاني جربتها كووويسسسس و ثانياً لأنكن قلتن ممكن أنكن تحصلنها في ليبيا ..
طبعاً نحب في البدايه ننبه علي نقطة مهمه 

😊 وهي ان التجارب للمنتجات ممكن تختلف من شخص لشخص علي حسب نوع البشرة و المواضبه في استخدام المنتجات لفترة كافيه عشان تقدري تقيميها مزبووووط ..
و انا مخلصة جداً في النقطة هذه ، و مش مهم عندي نستخدم منتجات وااااجده و لمدة قصيرة و ممكن نظلمهن في التقييم ..
المهم عندي هو التجربة علي الأقل لمدة اربع أسابيع فما فوق عشان ما نظلمش المنتج ..

المهمممم عاااارفه دوتي واجده 😋😋

ليش ڤيتامين 

E 

مهم للبشرة ؟ 

يساعد على اكساب البشرة النضارة ويمنع ظهور التجاعيد

يحمى الجلد من الاشعة الفوق بنفسجية

بتأثيره المضاد للاكسدة فهو يحمى البشرة من التلوثات البيئية والمواد الضارة التى تسبب تلف الخلايا

منظم ومساعد لفيتامين أ الممتاز والمعروف باهميتة للحفاظ على جمال وصحة البشرة

يستخدم فى كثير من التركيبات لعلاج الطفح الجلدى والالتهابات الجلدية

ڤيتامين E. يوجد علي هئية كبسولات .. و يكون علي شكل زيت و دهني شويا .. عشان هكي ينصحو بإستخدامه في الليل لانه مش معقوله بتطلعي بوجه مدهن في الصبح .. بس لو خلطتي منه شويا مع واقي الشمس عادي ممكن تطلعي بيه ..

و يوجد ايضا"  علي هئية كريمات و غسولات للبشرة و طبعاً علي حسب تركيزه في الكريم او السيروم يزيد سعر المنتج .. 

عشان هكي واجدين يفضلو يستخدمو الكبسولات لانه سعرهن أرخص .. 

1/ Vitamin E  Moisture Cream all skin Types  50 ml 

(كريم  الترطيب اليومي لجميع انواع البشرة )

الكريم هذا يفي ببعض الوعود المقطوعة .. ترطيب ممتاز جداً 

و بسرعه ما تمتصه البشرة و ما يدهنش ولا تحسي انك حاطة كريم علي وجك و بكل راحة تقدري تحطي فوقه الواقي امتاعك و  الBB  كريم او الفاونديشن 

* ملحوظة ((( جميع انواع البشرة تحتااااج للترطيب الجافه و الدهنيه و المختلطة ))) ما فيش واحدة تقول انا بشرتي دهنيه ما نحتاجش مرطب !!!! نتكووووها بعدها 😋😋😉

بالنسبة للوعد الثاني الخاص بالإشراقه  ما حسيتش بفرق للحقيقه 😐 

2/ Vitamin E Nourishing Night Cream all skin type   50 ml

كريم الليل المغذي لجميع انواع البشرة}ة}

بالنسبة لكريم الليل فهو اغلظ من كريم النهار و دهني اكثر ..بصراحه ترطيبه ممتاز و بما انه بشرتي جافه انا قعدت نستخدم فيه لما نحضر في بشرتي للميكب و نحط منه في كميه كبيرة لاني  نحب الترطيب العميق للبشرة قبل وضع آي مستحضر علي بشرتي 

كمرطب ممتاااااز جداً 

و استخدمته لفترة طويله و مازلت  زي ما قلتلكم بس قصة  الإضاءة و الإشراقة  ما شفتش اي تغيير 😳😳 

3/Vitamin E EYE CREAM .. 

كريم العين لجميع انواع البشرة 

بكل صراحة هم كاتبين يساعد في تقليل ظهور الخطوط التعبيرية .. هذا مزبوط بس لما نرطب بيه عيني قبل ما نحط الكونسيلر  و المصحح .. مزبوط ترطيبه عالي 

مكتوب يخفف من الهالات .. غير صحيح

يخفف الانتفاخ تحت العين .. انا ما عنديش المشكله هذه بس عندي صديقه استخدماته و عندها انتفاخات و قالت انه ما فيش اي تأثير يذكر ..  

للأسف 

4/ Vitamin E GENTLE FACIAL WASH  (غسول الوجه الملطف)

ممتاز جداً و لطيف جداً و ريحته مش سيئة نستخدم فيه مع الكلاريسونيك لتنظيف بقايا الميكب 

و نحب كيف يسيب البشرة رطبه و نظيفه .. 

الوعود المقطوعة .. يفي بيها جميعاً 

الخلاصة .. ننصحك تشريه ولا لا !؟؟ 

لو تبي نظام ترطيب و تبي تعودي نفسك علي استخدام كريمات ليل و نهار و كريم عين  و غسول 

للبشرة   نشجعك تاخذيه

بس لو تبي نتائج و إشراقه للبشرة  فننصحك تشوفي مستحضرات ثانيه .. او تستخدمي كبسولات ڤيتامين E .. 

هل حنشري النظام مره ثانيه ؟ 

اكييييييد لااااا 😭😭

ممكن الغسول نرد نشريه لانه لطيف عالبشرة ❤️

سلاااام توا يا حلواااات 

hijabi style #1

hijabi style #1 by venus-libyen featuring high heel stiletto boots

Lattori rayon maxi dress
630 LYD - lattori.com

Lapel jacket
42 LYD - maykool.com

Le Stelle high heel stiletto boots
185 LYD - yoox.com

Sara Battaglia perforated handbag
2170 LYD - modaoperandi.com

Bajra light weight scarve
560 LYD - marissacollections.com

Autumn Inspiration

Untitled #4 by venus-libyen featuring red jeans

Purple top
26 LYD - pinkqueen.com

Koral red jeans
210 LYD - farfetch.com

MUK LUKS Nikki
135 LYD - shoemall.com

Fendi pink purse
1235 LYD - stylebop.com

Halogen circle scarf
125 LYD - nordstrom.com

fall/ winter vibes

fall/ winter vibes by venus-libyen featuring a gold pendant

Rumour London turtle neck dress
420 LYD - wolfandbadger.com

WearAll green coat
48 LYD - wearall.com

Oxford shoes
460 LYD - paoloshoes.com

Tory Burch leather handbag
975 LYD - toryburch.com

Palm Beach Jewelry gold pendant
140 LYD - groupon.com

Loop scarf
28 LYD - luxurydivas.com

Bobbi Brown Cosmetics silver eyeshadow
69 LYD - lordandtaylor.com

Dark brown lipstick
12 LYD - etsy.com

Black and Blue

تنسيقات .. أفكار by venus-libyen featuring navy pumps

Abercrombie Fitch lace tank top
32 LYD - abercrombie.com

Rumour London blue skirt
300 LYD - wolfandbadger.com

Rupert Sanderson navy pumps
915 LYD - rupertsanderson.com

John Lewis evening purse
71 LYD - johnlewis.com

Wallis rhinestone jewelry
57 LYD - wallisfashion.com

Rockabilly jewelry
9 LYD - etsy.com

Lush Bubble Gum Scrub ( Short Review) مقشر لش للشفاه

نبذه قصيرة عن ماركة لش

    (LUSH)

هي ماركة تجميلية تنطلق من فكرة استخدام مكونات طبيعية 100% و خاليه من اي مواد كيماويه .. لم يتم تجربتها علي الحيوانات

يتم انتاجها يدويا" و اغلب منتاجتها تكون فريش

بصراااااحه شي رهييييييب و عندهم مجموعات للعناية بالجسم و الاستحمام حاجات خياليه 😍😍

ريحة المحل بروحها لما تخشيله كأنك في الجنه هههههههههه معش تبي تطلعي

المهم انا حنحكيلكن عن المنتج الجميل هذا منه .. و هو مقشر للشفاه بطعمة (المستكه( 😊😊 ايووووه المستكة او الببل قم Bubble gum يشي جميل و حلوووو و طعمته حلوة هههههه لانك و انتي تفركي بيه في شفايفك اكيد حتظطري تذوقيه 😛

بصراحه بصفه عامه و حتي قبل ما يكون عندي السكرب هذا كان ضروري جدا" اني نقشر شفايفي و نرطبهن قبل ما نحط عليهن احمر الشفاه

و ضروري جدا نقشره بعد ما نمسح الميكب و خصوصا" لو مستخدمة ارواج مطفيه لانها عادة تجفف الشفايف

و السكرب هذا خلي العمليه هذه ممتعة و طعمتها لذيذه هههه😛

طريقتي .. نحط طبقة فازلين و نبدا التقشير ناخذ شويا في اصبعي و نفرك بيه الشفايف .. فائدة الفازلين انه يحافظلك علي ثبات المقشر عالشفايف و انتي تحركي فيه بطريقة دائريه .. و النتيجه رووووعه

نصيحتي لو لقيتيه خوذيه و انتي مغمضه ..

سلاااام يا حلوات 💕

The Original beauty blender & the blender cleanser review ..

 💕البيوتي بليندر 💕

اليوم جيبتلكن موضوع جديد و تجربه جديدة من تجاربي و هي عن  أشهر اسفنجة ميكب في العاااااالم 

حتي انا كنت زيكن ما نعرفش كيف هي مهمة و تفرق معاك في كيفية وضع الكونسيلر ( خافي العيوب ) 

(و الفاونديشن ( كريم الأساس

لحد ما شريتها و استخدمتها و جربتها كووووويس جداً و حتي جربت غيرها للأمانة و المقارنه و حتي الغسول امتاعها اللي في الصورة جربته و جربت طرق التتظيف الاعتيادية زي التنظيف بشامبو البيبي جونسون ..جربته للبيوتي بليندر نفسها و لفرش الميكب ..

•  البيوتي بليندر  Beauty blender

الإسفنجة هذه حبيبتي و صديقتي و اول ما يخطر في بالي من المفضلات في آي حاجة لها علاقه بالميكب .. لدرجة اني نعتبر ان الفترة اللي ما كانش فيها عندي البيوتي بليندر من الفترات التعيسه 😭😭بالنسبة لتعلمي اساسيات الميكب ههههههههههههههه

زي ما تلاحظو في الصورة فيه واحدة صغيرة في الحجم و واحدة كبيرة ..

الصغيرة هذه البيوتي بليندر قبل الاستخدام

و الثانيه الكبيرة هي نفسها بس بعد ما حضرتها للإستخدام ، يعني جاهزة اني نوزع بيها الفاونديشن و الكونسيلر و الكونتور و اللوس بودر( البودرة الحرة) ..

عشان تستخدميها لازم تبليها بالميه لحد ما تنتفخ، و بعدها تعصريها كووووويسسس و عشان تأكدي انه معش فيها ميه تاخذي منديل و تعصريها بيه اخري و يقعد جاف زي ما هو .. يعني الغرض من الميه انه يخليها منديه بس ، طبعاً حجمها يكبر تلقائياً و يصغر لما تجف تلقائياً برضو 👌🏼

انا طريقتي  للوجه كالآتي

 الوجه ⬅️ نوزع الفاونديشن بالفرشة  و بعدها نعاود عليه بالبيوتي بليندر و يا سلاااااام عالفينش اللي تعطيها ، لا خطوط لا تكتلات ، كل شي جميل و مرتب و نااااعم .. توزيع الفاونديشن ندير فيه بالنهاية الكبيرة منها .. ولو كنت دايرة كونتور كريمي لمناطق معينة فتكون هي اللي ندمج بيها كل شي

اما الجزء الأمامي المدبب هذا نستخدم فيه كالآتي :

الجفن ⬅️ لتوزيع البرايمر اللي يثبت الايشادو

تحت العين⬅️ لتوزيع المصحح و الكونسيلر و التثبيت النهائي باللوس باودر

بالنسبة للملمس امتاعها فهي رطبه جداً و طرية جداً و مرنة في الاستخدام ..

  و لما تجي تشريها ، ممكن تشريها بروحها من غير المنظف امتاعها

و سعرها حوالي 20$ دولار

 و مع المنظف تجيك في علبه نفس اللي في الصوره عدد 2  سعرها 40 $ دولار

ما عنديش فكرة اذا كان في أي حد يوفر فيها ، و لازم يا بنات لو تبن تاخذن من التاجرات او الصفحات لازم تتأكدن من المصداقيه و من ان الشئ مش مقلد ، لان في ناس ما تخافش ربي و في ناس تجيب الحاجة و تديرلك السعر بالدبل طبعاً عارفه ان للأسف بسبب و ضع البلاد أنكن مظطرات تاخذن منهم لان ما عندنااااش  فروع للماركات الكويسه

انا شريتها من موقع أمريكي و وصلتني بعد اسبوعين من الطلب ..

• منظف البيوتي بلندر (blender cleanser)

منظف رهيييييييييب و ينظف بطريقة ممتازه و سريعه و القطرة منه تدير رغوة وفيرة ..

العبوة امتاعه عمليه و تطلعلك الكميه المطلوبه بطريقة اقتصاديه ..

هو خاص بالبيوتي بلندر بس يبيعو فيه منفصل ، و فيه ناس ممكن ما يخذوش علي اساس انه غالي و انه البدائل الأرخص حينظفن البيوتي بليندر زي ما هو ينظفها !!

لكن انا جربت و درت مقارنه ولاحظت انه تنظيفه عمييييق و يفتت بقايا الكونسيلر و الفاونديشن اللي يعلقن في البلندر بعد الاستخدام و حتي لونها يرد برااااق و فاقع كأني اول مره نستخدمها و هذا كله بقطرة او قطرتين منه  .. بعكس الجونسون اللي نستخدم منه كميييييه كبيرة و علي مرتين او ثلاثه عشان ينظفها ليا ..

و استخدمته  حتي للفرش و لاحظت انه اختصرلي و قت التنظيف عن لما كنت نستخدم شامبو جونسون ..

تجربتي تقول انك لو شريتي البلندر اشري معاها غسولها عشان تحافظي عليها و تطول معاك و في نفس الوقت تكون نظافتها ممتازة عشان ما تجمعش البكتيريا و ما تأذيلك بشرتك ..

المنظف سعره بروحه  18$ دولار ..

ان شاءالله تكونو استفدتو و خذيتو فكرة كويسه عن البيوتي بلندر ..

و توا سلااااام يا حلوات 😘😘

Inglot Review (Part 2)

 عزيزاتي اليوم حنحكو عن الجزء الثاني من تجربتي مع منتجات انقلوت ..

1/ Inglot Corrective Illuminator

، قبل ما نبدا نحكي عليه لازم نوضحو نقطه و هي ان المنتج هذا مش كونسيلر  

و بالنسبه للي عندها هالات تحت العين مش حينفع انه يغطيهن او يلغيهن .. هو وظيفته من اسمه اليوميناتور يعني مضئ و يعطي اضاءه تحت العين .
لكن بالنسبة للي ما عندهاش سواد تحت العين ولا انتفاخات تقدر تستخدمه عادي لانه فعلا" ممتاز كأضاءة تحت العين ..
بالنسبه للي عندها هالات خفيفه فيه منه واحد لونه جاي علي مشمشي و يستخدم زيه زي المصححات الثانيه قبل الكونسيلر امتاعك و توزعيه كويس و فوقه تحطي الكونسيلر و يا سلاااام .. نتيجته حلوه

بالنسبه ليا .. انا نستخدم في مصحح من بوبي براون و فوقه كونسيلر علي حسب نوع الطلعه يعتمد من كونسيلر ثقيل الي خفيف و  لذلك نستخدم فيه كأضاءة علي الجبهة و عظمة الانف و الحنك و تحت العين ...

هو من شكله زي قلم الحبر .. و تضغطيه من فوق كم مره لحد ما يطلع المنتج و توزعيه بالفرشه اللي واضحه في الصورة ..
هو تركيبته كريميه
و تجف مع التوزيع تقعد زي البودره

تجربتي :
منتج ممتاز و كل شويا نلقي في روحي نستخدم فيه
يذكر فيا بالبرولونقوير كونسيلر من ماك من حيث التركيبه و اللزوجة ..
بس في الثبات لا .. لانه هو اقل ثباتا" من ماك

2/inglot   concealers

حنخش في الموضوووووع طول بالنسبه للعلبه الصغيرة
اللي اسمها inglot Cream Concealer AMC
و رقمها بالنسبة لدرجتي 70 .. فهذه ما ننصحش بيهااااااا ابدا" ابداااااااا"  قد ما نقول تعبان و ما ينفعش هو ما ينفعش
و علي اساس كريمي يعني يمشي للبشرة الجافة .. لكن هو كأنه صمغ و يخطط و يقلب رمادي و يتأكسد بسرعه
و حتي ككنتور ما ينفعش انا ما ننصحش بيه اي حد ..

الثاني الطويل .. هذا قد ما نشكر فيه و هو مازال ممتاز ...
هو CREAM CONCEALER
حتي هو بس يختلف وااااااجد و تركيبته حلوه و تغطيته ممتازه يعتبر
Full cover
و ما يخططش و بالنسبه ليا ما كانش يحتاج بودر للتثبيت
منتج بطل و ننصحكن تجربنه ..

3/  Inglot Pro Blending Sponge

الاسفنجه هذه تستخدم في توزيع الفاونديشن و الكونسيلر و الكونتور الكريمي

في الشكل و اللون تشبه البيوتي بليندر

 بس في الملمس و الوزن و الحجم

و الشغل تختلف

بالنسبه ليا ما شي يقدر يغلب البيوتي بلندر الاصليه ..

 بس عشان نكون منصفة

حتي هذه تعتبر بديل جيد و بسعر اقل

طريقة الاستخدام فيه اللي يستخدم فيها جافه .. و الصحيح هو استخدامها مبلله بالماء

و تشتغل افضل لما تكون مبلوله

تجربتي :

اسفنجة جيده و سعرها معقول .. في التنظيف تاخذ في وقت عشان تنظف ميه الميه

لو ما عندكش البيوتي بلندر

معناها اشريها لانها توزع الفاونديشن باحترافيه و كأنه معاك ميكب ارتست

😜😙😚

و توا سلاااام ياريت لو عندكن استفسار تسيبوه ليا هنا ولا في البيج عالفيس او في االانستاقرااااام ..

انواع الآيلاينير ،مميزات و عيوب ، و تجربتي !! Types Of eyeliner , pros and cons, plus my experience !!

1/ Pencil liner قلم الكحل 

طبعاً النوع هذا من الآيلاينير مشهور جداً  و متأكدة ان عند أغلب البنات و المدامات و أغلب خبراء التجميل يقولو انك لو يدك ترجف و مازلتي تتعلمي كيف ترسمي عينك ، الأفضل انك تبدي بالقلم الجاف 

المميزات:

•سهل الاستخدام

•لو غلطتي تقدري تمسحي و تصلحي 

•يستخدم لملء لخط العين السفلي

•يستخدم لتضييق خط العين العلوي 

•يستخدم كطبقة قبل الايلينر السائل للي بشرتها دهنية و الآيلاينير امتاعها يتحرك من مكانه

العيوب :

•يمتسح بسرعه و يبهت بسرعه

•يطبع علي الجفن

•يبي براية ديما عشان تقعد سنه مدببه

•لازم تجربي اكثر من نوع عشان تلقي اللي يناسبك 

تجربتي: 

جربت بورجوا waterproof و Gosh

اللي متوفرات في ليبيا ، اللي مش متوفر هنا مش حنكتبه الا لو تحبن تعرفن 😍 

ممتازات هن الاثنين ، بس انا مش معتمدة عليهن في رسم العين ، نستخدم فيهن تحت خط الرموش السفلي و العلوي و عالأغلب نثبت فيهن بالآيشادو الاسود ..

2/Liquid liner الكحل السائل 

أشهر انواع الآيلاينير ، مشهور بسواده و بأنه يستخدم 

في رسمة ال

 Cat eye  

مميزاته:

•ثابت لفترة طويله

•ما يطبعش عالجفن 

•سواده حلو 

عيوبه:

•يبي يد ثابته في الرسم

•لو لخبطتي و مسحتي يلبز الدنيا

•اللي مازالت تتعلم رسم العين و تبيه هو لازم تدربي عليه في الحوش قبل و ما يكونش عندك طلعه عشان تلبزي برااااحتك😂 

تجربتي : 

الحقيقة اني انا بديت بيه ، و ياااامااااا غلطت و درت wings غريبات و غليظات و اييييييه لحد توا نحب و انا نرسم بيه نقعد مركزة كلياً في الرسم هههههه و احتمال لو حد تحرك جنبي نقتله 😱😋😋

بديت بآيلاينر ديبورا خذيته من محل سندس في السلماني ((الله الله ذكريات )) 😢😭

و توا تنوعن الاستخدمات و جربت انواع وااااجدة و أغلبهن مش متوفر في ليبيا بس في واحد مميز عندي و هو ايلآينر البودي شوب the body shop 

يهبل و الريشة امتاعه(Applicator ) راسها يابس شويا و تساعدك في الثبات و انتي ترسمي و سواده يهبل .. بطللللل رسمي 😍

3/Gel or Cream Liner  الجل لاينر

من اول ما تعلمت استخدامه معش غيرت من عليه لانه يجمع مميزات القلم العادي و السائل 

لو انتي مبتدئة زي ما كنت انا زمان و خاطرك فيه ما تخافيش ما فيش حاجة ما تجيش بالتدريب و المحاولة 😘

مميزات:

•سواده فاحم و في نفس الوقت هادي 

•ما يحتاجش انك تسنيه عشان يجف زي السائل

•تقدري تدمجيه فوق العين و تديري بيه سمكوي لوك ، و تقدري تخليه ايلآينر عادي و تقدري تديري بيه سموكي مدموج تحت العين 

•ثابت و ما يبيهتش 

عيوبه:

•ممكن يجف لو ما اعتنيتيش بالعلبه و سكرتيها كويس

•يحتاج فرشاه للرسم 

تجربتي :

نستخدم في نوعين نوع نقدر نستخدمه مع السموكي و ندمجه و هو

 MAC Black Track

و الثاني هو

 Inglot gel liner 

و هذا نستخدم فيه لما نبي ندير لوك معتمد بس عالآيلينر زي الكات آي

 cat eye

وهن الاثنين ننصح بيهن بقوووووة مع ان كحل ماك مش متوفر في ليبيا بس كان ضروري اني نذكره 

4/Eye Shadow ظل العيون 

طبعاً هذا مش ايلآينر بمعني الكلمة بس تقدر تستخدمي ظل العين اللي باللون الأسود كأيلاينر 

في حالات معينة لما تكوني طالعه مستعجلة و ما عندكش وقت للخطأ و المسح و التعديل  و طبعاً يحتاج انك تستخدمي نفس الفرشاة اللي تستخدم في رسم الجل لاينر

منظره طبيعي يبان و الخط مش داكن .. 

نستخدم في البلاك كاربون من ماك MAC  Black Carbon

و البلاك اوت من نيكد 2 Blackout from naked 2 palette

وبسسسسس خلاص ..

ان شاءالله كان الموضوع سهل و بسيط عليكن